Христијан Mицкоски: Ако изгубиме на локални, веднаш свикуваме предвремени избори

Вести

пред еден ден

Премиерот Христијан Мицкоски во интервју за РТК вели дека ако како Владата бидат поразени веднаш ќе побара распуштање на Парламентот и организаирање предвремени парламентарни избори.

Мицкоски посочи дека разликата во рејтинзите како партии е 5:1, а во однос на личните рејтинзи со лидерот на опозицијата 10:1.

„Не е проблем да одиме на избори, бројките ќе бидат исти, можеби и полоши. Оваа Влада има легитимитет за четири години да го испорача тоа што го ветила кај граѓаните, но ако е потребно да се оди на избори и ако сметаат дека треба да се оди на избори, ние уште утре сме подготвени да одиме на избори. Догодина, за нецели десет месеци имаме локални избори. Тоа е првиот тест. Ако на локалните избори добиеме црвен картон од граѓаните веднаш свикуваме предвремени парламентарни избори, но ако добие опозицијата, конечно нека се реорганизира“, вели Мицкоски.

Малолетничка прегазена од мопед на раскрсница во Карпош

Вести

пред 3 часа

Дете е тешко повредено откако било удрено од мопед на една скопска раскрсница.

- На 20.11.2024 во 13.35 часот во СВР Скопје било пријавено дека на крстосницата од ул.„Лондонска“ и ул.„Варшавска“ во Скопје, мопед со скопски регистарски ознаки, управуван од А.О.(35) од Скопје, удрил во малолетничка, а потоа и во паркирано патничко возило „пежо“ со скопски регистарски ознаки, паркирано од Ф.С.(50) од Скопје. Во несреќата со тешки телесни повреди се здобила малолетничката, констатирани во Комплексот клиники „Мајка Тереза“ во Скопје, додека возачот се здобил со телесни повреди, констатирани во Градската општа болница „Св.Наум Охридски“, соопштија до полицијата во дневниот билтен.

Извршен бил увид од увидна екипа од СВР Скопје.

Нема автобуси, но не работи и Жичарницата на Водно

Вести

пред 4 часа

Од ЈСП информираат дека Жичницата претпладнево не работи поради врнежи од дожд и силен ветер.

Јачината на ветерот ги надминува дозволените граници како објектот би функционирал непречено и безбедно. Надлежните служби ја следат состојбата на терен и во оној момент кога ќе се создадат соодветни временски услови за работа, Жичницата ќе продолжи со непречено превезување на патниците, појаснуваат од ЈСП.

Додека ЈСП буквално се распаѓа Арсовска зборувала за климатските промени и човековите права на самитот Г20 во Бразил

Вести

пред 5 часа

Градоначалничката на Скопје била присутна на самитот Г20 што се одржа во Бразил во периодот од 14-17 ноември. Оваа вест ниту не беше пренесена од нејзинот кабинет, а немаше ниту било какво известување.

За ова се дознаваме од официјалната страна на Советот на Европа каде градоначалничката Арсовска го преставувала Конгресот на Советот на Европа каде говорела за климатските промени и човековите права.

Арсовска има присуствувано на многу настани организирани од фондации и држави, но она што може да се забележи е отсуството на известување од страна на нејзинот кабинет за нејзините активности.

Градоначалничката очигледно повеќе ги избира овие меѓународни настани, каде збори на теми кои не се во допирна точка со функцијата која ја извршува наместо да ги решава проблемите на скопјани, еден таков пример е катастрофалната ситуација со ЈСП.