Секцијата на фризери при Занаетчиска комора - Скопје денеска во Скопје традиционално ќе одржи „Бербер шоу“ на фризери по повод месецот на машкото здравје „Movember“, каде ќе учествуваат мајстори - бербери од од целата држава, кои ќе се погрижат за изгледот на оние, кои ќе дојдат за да им се средат брадата и мустаќите.

- „Movember“ е настан за првпат инициран во Австралија во ноември 2003 година, со цел да ја подигне свеста за грижа на машкото здравје и рано откривање здравствени проблеми кај мажите. Во таа насока,секоја година во месец ноември - месец посветен на машкото здравје, се предизвикуваат мажите да пуштат мустаќи, појаснуваат организаторите.

Настанот ќе се одржи во трговскиот центар „Дајмонд мол“ со почеток од 11 часот. 

Вишото јавно обвинителство во Нови Сад, по распит на 12 осомничени за несреќата на железничката станица во тој град, донесе наредба за спроведување истрага и поднесе предлог за приведување на 13 од нив, меѓу кои и едно лице кое е во странство, јави дописникот на МИА од Белград.

Меѓу нив се и министерот во оставка Горан Весиќ, поранешната министерка и в.д директорката на Железничката инфраструктура на Србија, Јелена Танасковиќ, како и поранешниот директор на Железничката инфраструктура на Србија, Небојша Шурлан.

За сите нив е предложен притвор за да не се мешаат во постапката со влијание врз сведоци и соучесници, за да не го повторат делото, како и поради вознемирување на јавноста. Според осомничената Ј. С. М., покрај наведените основи, а поради тоа што е недостапна за органите на прогонот, по неа е предложено да се распише и потерница.

– Осомничените Ј. Т, Г. В, А. Д. и Н. Ш. сториле кривично дело тешко дело против општата сигурност од Кривичниот законик во врска со кривичното дело предизвикување општа опасност, а осомничените С. Н, М. Ј, Љ. М. М, М. С, Д. Ј, М. Г, З. С.

М, Ј. С. М. и Д. Т. сториле кривично дело тешко дело против општата сигурност од Кривичниот законик во врска со кривичното дело Непрописно и неправилно изведување градежни работи, се вели во соопштението на ВЈТ.

Вишиот суд во Нови Сад претходно и одреди притвор до 30 дена на Љ. М. М.

Порталот Нова економија пред два дена објави дека меѓу уапсените е и Љиљана Милиќ Марковиќ, која е потпишана како Главен проектант.

Таа воедно е предавач на Архитектонско-градежниот и геодетски факултет во Бања Лука.

Уапсен е и Слободан Наумовиќ од Сообраќајниот институт ЦИП, проектантот на изградбата на реконструкцијата и адаптацијата на зградата на станицата во Нови Сад.

Како што дознава Нова економија, уапсени се и Дејан Тодоровиќ и Марина Гавриловиќ, инженери вработени во француската компанија Ежис.

Тодоровиќ беше ангажиран на функцијата Надзорен орган за инфраструктурни објекти на службени места, а Гавриловиќ беше Надзорен орган за архитектура на делницата 1, која ја опфаќа Железничката станица во Нови Сад.

Српскиот огранок на францускиот Ежис изврши директен надзор над работите на Железничката станица.

Засега никој не е уапсен од компанијата Проект Биро Утибер, српската филијала на истоимената унгарска компанија и главен член на конзорциумот кој ја доби работата да ја надгледува работата на целиот железнички проект од Белград до границата со Унгарија.

Според дел од српските медиуми министерот во оставка Весиќ од вчера стапи во штрајк со глад.

Во трагедијата што се случи на 1 ноември, кога се урна настрешницата на Железничката станица во Нови Сад, загинаа 15 лица, а двајца сè уште се во критична состојба.

Попладнево се случила престрелка во скопско Арачиново во која инволвиран бил Шенол Маслани во јавноста познат како Шенки Версаче, дознава 4news.

Повреден во престрелката е Шенад Ајдини.

Инаку да потсетиме, Шенол Маслани е брат на Фарук Маслани кој беше помилуван од страна на претседателката Гордана Силајновска, што наиде на рекации од јавноста.