Со Рената Кралевска како заштитно лице, модната куќа „Драма“ претстави еден поинаков и посвеж поглед кон концептот на идната невеста.

Со современ пристап, без оптоварувачки кроеви, колекцијата на „Драма“ е наменета за модерни невести, неоптоварени, исполнети и единствени. Невести кои во полн здив ја слават љубовта.

Свила и рачни везови ја дефинираат основата на колекцијата, претставени на неконвенционален начин, како процес на подготовка.

Истата ќе можете одблиску да ја погледнете и пробате денеска (петок 24.03.2017) на „Drama Bridal Afterwork Party“ во „Драма студио“, каде што воедно ќе може да добиете консултации од дизајнерката Ивана Кнез, како и презентација на „Drama Beauty“ поддржана од Васе Доковски.