Исповед на Милена: Се мажам за грд и досаден маж!

Милена одлучила да се омажи за човек кого го смета за грд. Вели дека никогаш не би го погледнала на улица, затоа што не е нејзин тип. Иако се срами да го претстави во јавност, се мажи за него затоа што и обрнува многу внимание.

“Се мажам за човек, кого претходно не би го ни погледнала на улица. Не е воопшто убав, висок е како јас на високи потпетици, не е нешто посебно интересен, но ме гледа како како Бог. Го имам сето негово внимание и знам дека се би направил за мене. Се одлучив да бидам во врска со него од погрешни причини, но како е, така е! Тој знае дека девојка која изгледа како јас нема никогаш повторно да има, му одговара што се зборува дека ја има најдобрата девојка во друштво а јас… Јас поминав доволно, и мангупи и фраери и се е тоа убаво но овој е за брак.Нема да ме изневерува, затоа што освен мене имал една девојка за која јас сум авион X3,. Тој е добар човек, добро финансиски обезбеден( неговите имаат своја фирма).

Нема да лажам дека го засакав како момче/маж, го сакам како личност која е добра кон мене, а научив да го истрпам, да ја проголтам својата гордост, да лажам дека ми е прекрасно со него и сето тоа поради фактот дека сакам СИГУРНОСТ во текот на својот живот. Едноставно не сакам да се мажам за овие многу посакауваните затоа што знам дека премногу бракови пропадна, мажот нашол помлада, а жените од 35-40 години остануваат сами”.

Единствениот дипломиран оџачар во Македонија е жена

Љубопитна, темпераментна и ведра е Јасмина Атанасовска-Симјаноска. И плус среќа носи. Таа е единствениот дипломиран оџачар во земјава. Кога ќе ја сретнат оние што ја познаваат, не пропуштаат да не се ракуваат со неа, за денот да им биде среќен. Тоа го прават и нејзините ученици во СГГУ ГС „Здравко Цветковски“. Таа е и архитект, проектант, професор и води курс за оџачарство, кој неодамна го завршила уште една жена, па Јасмина конечно има колешка во таа професија.

Јасмина дипломирала оџачарство во Загреб, Хрватска, посебна специјализација со многу пракса, со многу учење за загадување, екологија, горива, печки… Можноста за тоа ѝ се укажала при претходна посета на Загреб, за потоа кај нас да се воведе оџачарство како струка во училиште.

– Во Македонија работам на едукација на оџачари, а првата група почна на 1 јуни како проект на Министерството на труд и социјална политика и Агенцијата за вработување под надлежност на Град Скопје, проект за невработени. Обучени се 10 оџачари, кои добија диплома за оџачари за објекти за домување кои користат цврсто и течно гориво. Меѓу нив има една госпоѓа, која е сертифициран оџачар – раскажува Јасмина.

Нема шега со оџаците

Оџакот е сѐ освен наивен дел од куќа или зграда, вели Јасмина и додава дека ние сме премногу лежерни кога станува збор за одржувањето на оџаците, што не е добро.

– Скопје има градско парно, но во внатрешноста, каде што нема градско греење, греењето на дрва е најзастапено. Ако не го чистите оџакот, во него се таложат саѓи и тие лесно се палат. Кога ќе се запалат, многу експандираат, па кога ќе се затне оџакот, се враќа назад пламенот и настанува пожар. Луѓето имаат навика да го остават шпоретот полн да гори кога ќе излезат за да се одржи огнот, па има значително повисока температура. Кога печката нема капацитет, се запалуваат саѓите, и во тие случаи добро е ако пламенот избие низ оџак и не се врати дома – предупредува нашата соговорничка и советува оџаците да се чистат најмалку двапати годишно.

Неисчистените оџаци, според Јасмина, се поврзани и со загадувањето, кое последниве години е многу актуелно кај нас.

– Затнат оџак значи дека процесот на согорување не е како што треба. На загадувањето, исто така, влијае и какви дрва, каква сеча користиме. Развиени земји како Швајцарија, каде што се греат на дрва, користат лански дрва зашто се посуви, а тоа придонесува за подобро согорување. И во Германија ова прашање е регулирано. А кај нас што сѐ се гори? Буквално сѐ што ќе ни дојде под рака. Лакирани дрва, импрегнирани дрва, стар мебел, текстил, моторно масло… Знам за случај кога едно домаќинство ќе се запалеше бидејќи гореше семки од вишни, а кога такви нешта горат, се крева многу висока температура – вели Јасмина и додава дека во развиените држави постои закон за пуштање во употреба на новите оџаци преку а-тест и регулирано е чистењето.

Токму затоа и подготвува книга за оџачарство.

ФОТО: Купил куќа не знаејќи дека е голем среќник

Обично се вели дека треба да пробате нешто пред да го купите, но кога станува збор за новите куќи, тоа баш и не е опција - а мноштво нови сопственици се дочекани со непријатно изненадување како реЗултат на тоа.

Понекогаш тие мали изненадувања може да бидат и одлични. Токму тоа му се случило на овој човек. Кога ги гледал архитектонските планови на својата куќа, открил дека под неговиот имот се крие нешто големо. Зграбил лопата и почнал да копа.

Кога удрил во метал знаел дека пронашол. Имало тајно скривалиште и тоа не мало. Куќата е ѕидана во 60-те, а плановите за скривалиштето се пшредадени заедно со плановите за куќата.

Дошло време и да се тргне поклопувачот. На дното од скривалиштето имало куп отпад.

Сепак, скривалиштето било во добра состојба и изгледало како голема штета да пропадне.

Расчистувањето барало голем труд. Сепак, изгледало многу подобро. Старите скали морале да се отстранат. Откако просторот се исчистил човекот сфатил дека добил уште една голема просторија во оквирот на домаќинството која сега изгледа одлично.

Дали маските за воздух навистина помагаат?

Се почесто заради заштита граѓаните бараат чаре и во маските, но колку тие всушност можат да ни помогнат?

Иако не можеме целосно да се заштитиме од загадениот воздух во градските средини, сепак неколку корисни совети од експертите ќе помогнат да го минимизираме внесот на штетните честички во нашиот организам.

1. Следете го нивото на загадување во вашето населено место и доколку е над дозволените граници, надвор движете се само доколку е неопходно и носете маска со филтер.

2. Избегнувајте движење, трчање и вежбање во периодите кога нивото на загаденоста на воздухот е високо. Потребно е нашите читатели да знаат дека загадувањето на воздухот во текот на денот е највисоко во периодот од 11-18 часот, па затоа доколку планирате какви било активности најдобро е истите да се извршат рано наутро или доцна навечер.

3.Избегнувајте физичка активност во близина на сообраќајници со голема концентрација на возила, особено во периодите со погуст сообраќај. Познато е дека прометните автопати го загадуваат воздухот во пречник од 1км.

4.Формирајте здрави навики. Не користете автомобил доколку се работи за блиска дестинација. Препорачливо е пешачење или возење велосипед.

5. Не смее да се гори отпад бидејќи во голем процент придонесува за загадување на воздухот.

6. Не користете фосилни горива(нафта, прегорено автомобилско масло, јаглен, ќумур и сл.) за загревање на ваште домови.

7. Не дозволувајте пушење во просториите во кои престојувате.

Се почесто се користат маски против загадениот воздух. Може ли да ни дадете совети како правилно да се употребуваат?

Во моментов во Македонија се употребуваат повеќе видови на маски како заштита од воздушното загадување (хируршки, со активен јаглен) но, само неколку сертифицирани за таа намена се ефикасни.

Маската не смее да пропушта партикли поголеми од 2.5-3 микрони, заради тоа што најштетни воздушни партикли се со големина од 2.5 микрони.Маските само со активен јаглен не штитат од партикли туку тие се наменети за заштита од хемикалии.За маската е важно:мора добро да налегнува на лицето, и најмал простор кој пропушта воздух ја прави маската неефикасна, за скопската средина се препорачува маска со N95,N99,FFP2,FFP3 стандард, доколку носите очила и истите се замаглуваат значи дека маската пропушта нефилтриран воздух, доколку маската има валвула таа полесно налегнува и помали се шансите да пропушта нефилтриран воздух.

Маските за еднократна употреба можат да се употребуваат се додека може лесно да се дише преку нив, а тоа е околу 10-30 часа ефективно користење, иако често производителите препорачуваат почеста замена. Маските за повеќекратна употреба содржат филтер кој може да се замени со нов, а се одржува со перење.

За подетални информации во врска со набавка на маски за заштита од аерозагадување, читателите можат да се обратат на Клиниката за пулмологија и алергологија.

Популарно