Рис Витерспун и Џим Тот имале нула романтика на крајот од бракот

Џет Сет

на 3.2023

Рис Витерспун и Џим Тот се разведуваат затоа што нивниот брак станал платонски, дознава „Њујорк пост“.

Холивудската ѕвезда (47) и нејзиниот сопруг (52) наводно веќе немаат никакви романтични чувства еден за друг.

Извор за рубриката „Пејџ сикс“ на весникот „Њујорк пост“ вели: „Нема голем скандал или драма, само двајца луѓе што во суштина стануваат кородители.

„Таа стана многу помоќна отколку што беше кога се венчаа и ги прошири своите области на интерес на толку многу начини“, додаде инсајдерот.

Оскаровката, која има 10-годишна ќерка со Џим, како и 23-годишна ќерка и 19-годишен син со поранешниот сопруг Рајан Филип, изминатиов викенд обелодени дека бракот со Џим е готов.

Рис и Џим објавија дека се разведуваат по 12 години брак. Двајцата се огласија на „Инстаграм“ изминатиов викенд за да ја споделат веста.

Падна во вода свадбата на Безос од 600 милиони долари!

Џет Сет

пред 7 месеци

Основачот на Амазон, Џеф Безос ги демантираше гласините дека ќе се ожени со Лорен Санчез на раскошна церемонија по Божиќ.

Во странските медиуми се прошири веста дека Безос наскоро се жени во Аспен и дека за венчавката ќе потроши околу 600 милиони долари (околу 576 милиони евра). Тој зборуваше за тоа.

На Икс, тој одговори на твитот во кој сподели напис за неговата наводна венчавка објавена од Њујорк Пост, кој цитираше извор на Дејли Мејл.

„Целата работа е целосно лажна – ништо од ова не се случува. Старата поговорка „не верувај се што читаш“ сега е повистинита од кога и да е. Лагите можат да го обиколат целиот свет пред да се дознае вистината. Затоа, бидете внимателни и не бидете лековерни“, напиша тој.

Уште две лица се под истрага за смртта на Лијам Пејн

Џет Сет

пред 8 месеци

На двајца вработени во хотелот „Касасур“ во Буенос Аирес, Аргентина, каде што, пред смртта, престојувал Лијам Пејн, им било кажано дека официјално се под истрага. Со тоа истрагата за неговата смрт се прошири на пет лица, пренесува аргентинскиот портал „Инфобае“ (Infobae).

Судијката Лора Брунијард донесе одлука истрагата за смртта на британскиот поп-рок пејач кој падна од третиот кат во хотелот да ја прошири со две лица, порачувајќи им да ангажираат адвокати и дека ќе треба да дадат изјави. Меѓу новоосомничените е рецепционерот Естебан Рејналдо Граси, кој се јавил на 911 кога се случила несреќата, а бил еден од тројцата мажи кои го носеле Лијам низ ходникот непосредно пред трагедијата.

Однесувањето на вработените и нивната одлука да не го остават пејачот во фоајето додека чекаат помош, покрена сомнеж. Вработените во хотелот ќе бидат сослушани следната недела, меѓу 17. и 19 декември, а наскоро се очекуваат и изјави од државните правобранители.

Инаку, три недели по смртта на поранешниот член на британскиот состав „Уан дајрекшн“ (One Direction), обвинителите ја отфрлија можноста за самоубиство како причина. Наводите говорат дека тој најверојатно бил во несвест кога паднал од балкон.

Популарно