Од Управата за хидрометеоролошки работи информираат дека за денес попладне и во вечерните часови времето ќе биде нестабилно со пороен дожд и грмежи во форма на невреме со интензивен пороен дожд, силен ветер (над 60 км/час) и појава на град.

Во Скопје денес попладне и во вечерните часови ќе преовладува нестабилно време со пороен дожд и грмежи, а во делови од котлината можна е појава и на краткотрајно невреме, кое ќе биде застапено и утре. Ова локално невреме проследено со пороен дожд и грмежи ќе го има и утре, особено во источните делови, а потоа во следните два дена ќе преовладува стабилно време.

Но, за време на викендов повторно се очекуваат нови врнежи од дожд.

Од Управата за хидрометеоролошки работи препорачуваат да не се престојува на отворен простор и под осамени дрвја и се препорачува поголема внимателност во случај на појава на електрични празнења.

Времето денеска ќе биде променливо облачно, по одделни котлини со услови за појава на утринска магла. Ќе дува умерен, а долж Повардарието повремено засилен ветер од југоисточен правец (над 60 км/час). Кон крајот на денот и во текот на ноќта ќе има локални врнежи од дожд. Минималната температура ќе биде во интервал од 0 до 6, а максималната ќе достигне од 9 до 14 степени.

Во Скопје променливо облачно со појава на утринска магла. Ќе дува умерен, повремено засилен ветер од југоисточен правец. Во текот на ноќта ќе има врнежи од дожд. Минималната температура ќе се спушти до 0, а максималната ќе достигне 11 степени.

Под влијание на циклонска активност до понеделник времето ќе биде претежно облачно со повремени врнежи од дожд кои наместа ќе бидат пообилни (над 20 л/м2).

Во недела во текот на денот поради спуштање на студена воздушна маса врнежите од дожд ќе преминуваат во снег и во повисоките места, особено во западните делови.

Од понеделник ќе дува умерен до засилен ветер од северен правец што ќе предизвика значително заладување во текот на следната седмица.