Овие три пилатес вежби одлично делуваат на мускулите на абдоменот. Додколку ги практикувата 3 до 5 пати неделно, резултатите ќе бидат фантастични.

Истегнување на двете нозе

Легнете на грб и истегнете ги двете нозе кон таванот, со петите и прстите малку свртени кон внатре, така што стапалата ќе формираат облик на буквата V. Ставете ги дланките зад главата, со лактите раширени и подигнете ги вратот и главата. Држете ја главата дигната и полека движете ги нозете нагоре или надолу (колку подолу можете без да го допрете подот). Издишувајте кога ги спуштате нозете, а вдишувајте кога ги кревате. Правете ја вежбата во серии од 8 повторувања. Меѓу секоја серија спуштете ги нозете и главата, и одморете.

Буткање со исправен грб

Седнете на под, истружете ги нозете право пред вас и раширете ги малку. Стапалата нека ви бидат во флекс позиција, така што ќе ги истегнете колената. Дланките ставете ги зад главата, со лакти широко отворени. При вдишување, користете ги абдоминалните мускули за да се навалите со исправен грб колку што можете (без да го допрете подот), а потоа издишете и повторно вратете се во седечка позиција. Правете ја оваа вежба во серии од 6 повторувања.

Вртење на страна

Потпрете се на левиот лакт, и истегнете ги нозете во линија на рамениците, ставајќи ја десната нога над левата. Притиснете ја цврсто левата подлактица, и користете ги абдоминалните мускули за да го подигнете торзото од подот. Испружете ја десната рака кон таванот и погледнете кон неа. Издишете, свиткајте го торзото и движете ја десната рака под вашата лева страна, а потоа вдишете и вратете се во првобитната положба. Правете ја вежбата во серии од 6 до 8 повторувања. Потоа променете ги страните.