Научниците предупредуваат на големи размери на климатски промени, сајбер тероризам, глад и развој на нови и тешки болести кои до 2050-тата година би можеле да прераснат во катастрофи од глобални размери. Business Insider објавил листа од 5 најлоши катастрофи кои би можеле да му се заканат на човештвото до 2050-тата година.

Раселувањето кое би можело да се случи поради големите климатски промени е закана број еден. Поради температурите кои рапидно растат, дури 600 милиони ширум светот би можеле да станат бегалци.

Втор проблем се поплавите, најмногу поради порастот на температурите и топењето на мразот ширум светот, поради што расте нивото на морето.

До 2050-тата година се предвидува дека во Азија ќе има 50 проценти помалку пченица и 17 проценти помалку ориз, а 20 милиони деца од Азија, Африка и Латинска Америка би можеле да гладуваат. Гладот е проблем број три кој би можел да не уништи, велат научниците.

Друга катастрофа која ги загрижува научниците се новите, односно мутирачки болести. Се' подолгите лета носат нови епидемии, најмногу поради комарците.

Тоа што исто така ги загрижува научниците е можноста од избивање на сајбер војни, а додека многумина веруваат дека тоа никогаш нема да се случи, нуклеарното оружје е една од најголемите опасности кои би можеле да бидат кобни за светот.