Во зрелите години нема заљубување. Има само тоа – некои луѓе се пријатни, а некои не. Не постои „Не можам да живеам без тебе“ затоа што си преживеал толку многу пати кога си мислел дека нема.

Нема, „не можам да учам затоа што постојано мислам на тебе“, затоа што веќе не си на училиште или факултет, туку си на работа од која ги плаќаш сметките и храната.

Нема несоница, бидејќи знаете дека каков и да е проблемот, утре е нов ден и знаете дека утрото е попаметно од вечерта. И кога нешто ќе тргне наопаку, немојте да молчите, туку кажете јасно и гласно: „Сакам ова, а ова, извинете, нема да го толерирам“.

А ако нешто не функционира, тогаш убаво кажуваш „благодарам“ и си заминуваш.

Раскинувањето секогаш остава траги на душата, а дали некогаш сте се запрашале - дали на вашиот поранешен партнер му е жал што раскинавте, дали сè уште сонува да го обнови контактот?

Ова прашање може да поттикне лажни надежи и да ве врати во состојба на конфузија и несигурност, па затоа е важно да бидете внимателни. Секако, ако врската била токсична и сте се чувствувале лошо во неа, не треба ни да размислувате за тоа, туку продолжете понатаму и пронајдете ја личноста која ве заслужува.

Но, доколку сте ја прекинале врската која била убава и во која имало љубов која сепак не згаснала, важно е да ги препознаете сигналите по кои партнерот вели дека сака повторно да се обиде со вас. Еве неколку знаци кои според експертите укажуваат дека сака да уште една шанса:

1. Сè уште е сам - Доколку вашиот поранешен партнер сè уште нема никој и не е заинтересиран да започне нова врска, можно е сè уште да размислува за вас. Ако не е подготвен за нова врска, тогаш чувствата не се целосно изгаснати.

2. Сака да одржува контакт со вас - Ако понекогаш ви прати порака за тоа како сте, ве покани да излезете или ја користи приликата да разговарате, тогаш не сака целосно да ве изгуби. Тој сака да продолжи да комуницира со вас и да биде во ваша близина.

3. Јасно покажува дека му е жал за грешките и за раскинувањето - Овие емоции се уште посилни доколку во тој момент немал можност или желба да се извини. И тоа треба да се забележи, не само од неговите зборови, туку и од неговите постапки. Отворено се извинува и покажува дека се грижи за заеднички да ги средите работите.

4. Ви обрнува внимание - По заминувањето, партнерот може да почне да ве опсипува со повеќе внимание, некои гестови покажуваат дека сака да му се вратите – како на пример: емотивни пораки, подароци, изненадувања, убави зборови, покана за ресторан или кино … Покажува дека сака да продолжи онаму каде што сте застанале.

5. Нема обвинувања и кавги - Ако се труди да одржува пријателска комуникација, не сака да се навраќа на старите лоши работи, да ве обвини за нешто, но во разговорот се фокусира на сегашноста и иднината, може да значи дека тој планира негативното да го остави зад себе.

6. Се забележува неговата тага  - Ако станал поповлечен, чувствителен, сменил некои секојдневни навики, избегнува дружење, не споделува емоции со другите, во неговите очи се гледа дека не е среќен, тоа е всушност болката која ја чувствува. Но, некои луѓе ги доживуваат овие знаци како игра и преправање. Можете сами да направите паралели и да извлечете свои заклучоци - како би реагирале во ваква ситуација?

Ако сè уште постои врска и чувства меѓу вас, ќе ги разберете вистинските причини за тоа што се случува. Главната работа е да не се носат избрзани заклучоци. Ако планирате да ја преиспитате вашата неуспешна врска во блиска иднина, обидете се навистина да го направите тоа. Можеби и двајцата сте се промениле како поединци и сте подготвени да учите од сопствените грешки. На крајот, единствениот вистински начин да откриете дали сте подготвени и дали вредите да ја обновите оваа врска е отворената и искрена комуникација со партнерот.

Минатиот петок дечко бакнал на улица млада девојка од Ријека. Ништо необично за една петочка вечер. Но, тој бакнеж оставил толку силен впечаток на девојката па таа решила да го бара дечкото по секоја цена.

– Беше кратко, но незаборавно. Дечкото е со кафеава коса, а носеше црна кожна јакна, раскажа девојката.

Како што раскажува девојката, таа и три нејзини другарки се сретнале на плоштад во Ријека, кога кај фонтаната им пришол млад дечко и ја бакнал девојката. Веќе во понеделникот изутрина таа јавно кажала дека сака момчето да и се јави, при што порталот РијечанИн ја одиграл улогата на посредник.

– Ние четири излеговме во петокот на 8ми март да прошетаме, а малку и да се напиеме. Кај фонтаната на плоштадот Коблер другарка ми на шала ме испрска со вода и јас целата бев мокра. Во тој момент дојде еден дечко, ми кажа дека сум многу убава и ме бакна. Но, набрзо си замина, а јас не стигнав ни да го прашам како се вика. Сега го барам, сакам да го запознаам бидејќи тој и неговиот потег многу ми се допаднаа – раскажа девојката за РијечанИн.

Мистериозниот заводник не чекаше долго за да се јави. Имено 19 годишното младо момче со иницијали П.Ј., кого редакцијата го нарече Петар, набрзо се јавил и кажал дека тој ја бакнал девојката.

Еве како романтичниот краток состанок изгледа од негов агол:

– Бев излезен со другарите и бевме доста весели. Знаете како оди тоа кога ќе се опуштиш за време на викендот. Здогледав една група на прекрасни девојки и пријдов на најубавата и ја бакнав. Бевме секој со своето друштво и немавме време да поразговараме подолго. Кога го видов нејзиниот повик денеска, без многу размислување одлучив да и се јавам – раскажа „Петар“.

А заклучниот коментар за РијечанИн го даде и младата девојка:

– Среќна сум зошто го пронајдовме момчето кое беше заслужно за еден прекрасен и романтичен момент. Веќе се слушнавме и во најбрзо време се надевам дека ќе излеземе на кафе и ќе се запознаеме подобро. Јасно ми е дека овој наш необичен потег, потрага по дечко, многумина го протолкуваа и како шала, но мене навистина драго што преовладуваа позитивни коментари и дека секогаш треба да бидеш упорен во нешто што сакаш да го оствариш.